شعر چکل
شعر چکل :
دومبه چکل ته حال و کار خار هسته
شاه سنگ بن هندا کولک جار هسته
گلرد پن یخچال هدار هسته
ته جــان یال همه جا دیار هسته
سنگسر و شهمیرزاد و باریکـو
سیا کوه و نزوا کو تا به هیکو
کمر پشت و ده میون و انارم
گوگلی و تلاجیم و اسپی رو
هر ور که هارشن ته جان جانه
ته جان جان چکل چنده جوانه
این ور ویشه اون ور همند و مرتع
فریم ته دامن روزی رسانه
ارمون ته رگ چشمه ی بچا او
ته پایین همندی گالشــگو
کتل تش چرک چریک سر شو
چنده خوبش خسته تنه کنده خو
شروین خوانه ته وسته قصه باره
تَوری جه حـرف سر دوسته باره
نواجش بیهله گوش مجی لا
هوسنی نائوره هر اونچه هسته باره
ته خوب دوندی اما چتی گت بیمی
وشنا بتیم تیسابلینگ دئیمی
یا کلچویار یا گوگسته واش چیمی
از خوردبکی کار دله دئیمی
خالک گوگ که لسنه ونه مار
خالک وچه چوجه بیه تیمار
ننا سازکتینا ببا هیمه چو
انده زونه امه زهله بوره مار
بی زهله وچه ره کی نزنده کار
اربابا کدخدا ژاندارا پاکار
هرکه راست بئیبو سوی جمنده
اماره تا نماشون ورده بی گار
پیئره دل خشه پسر بیه مرد
حرف اشنا وچه آ خار و اهل درد
کل خشاله که گی کل دره شوپه
دیگه ندونده نوکر نونه مرد
قراریا قراریا قراری
امه لامیز بن نون بی گاری
دسال سربازی هم ونه خرشه
قراری نونه امجه کناری
اماجه عاشقی دل باد هدائن
چشمه سر یار دوش افتو هدائن
هولایتی یار چشه
خش هدائن
دستمال بئیتنا آینه هدائن
بنافت جه تا پریم توری دوستن
نماشون سر دواره دگرستن
نصف شو پرچیم و لوش ببپرستن
نومزه بازی هاکردن دگرستن
سوی کارو نماشون قرصه ی بار
همش در فکر شیمی که ومبی پولدار
غزل بشوریم هاکنیم تیمار
شه زنه بیاریم بویم ایال وار
چکل ته دل سر چنتا ستاره
اسپهبد مرزبون ته یادگاره
ونه
حرف و سخن دنیاره مشته
بنویشتن بهشتن چنده خواره
آدم یک روز انه یک روزهم شونه
میون این دروز چنتا مقومه
مقوم ورگ و مرو گسفن و گو
مقوم آدم هم در گپ و گومه
اگر گوم بهلم گوم خدایی
میون نوم و گوم نئیرم جدایی
روات و پل خراب از کار دنیا
همیشه زندو ء شیخ بهایی
چكل دنيا نا سردارنا نا سامون
انسون دنيا امبي ميرمبي حيون
امه
كار بدتر از
فريم قرون
اما گجمي آ وه بئيه بدنوم
مرس سي شل الان گت بئينه
كلفت و بلند ابرجه رد بئينه
قديم آدما هم گرد بئينه
خشي بوردآ اساشه درد بئينه
اتا روز گوتنه اينتا مه بندا
قد زونه گوتنه مه جانه زنا
چوسي شيه به اسب و خرو ورزا
الان دستشه اتا قول هو والله
تا بوري چش بزني عمر تمومه
سرو پوست گل بن موچكله شومه
مردي زن ورنه آ زنا شي كنده
هندا سال نئيه نوم ته گومه
ميوه
روش كه
امو اما گيتمي پر
هي قه قي كردمي ماره سرو ور
قيمت ميوه و دونه برابر
مارون دونه دانا ميوه دوش سر
ميوه ره گاز زومي بافني زك
اتي پيله اتي دستا اتا تك
بي
مار گس اينگوآ چش پر اسري
وچون شه نيم خرده دانه ونه تك